Nyenzo katika Kiswahili
Karibuni wote kwenye Tovuti ya Nyenzo na Machapisho ya Kiafya Katika Lugha ya Kiswahili. Shirika la Hesperian kwa kushirikiana na COBIHESA na wadau wengine wa kujitolea linaanzisha Tovuti Moja mahali ambapo unaweza kupata miongozo yetu kwa jamii juu ya afya na nyenzo zingine za afya katika Kiswahili. Unaweza pia kuweka katika. Tovuti hii machapisho na nyenzo zako mbalimbali za kuendeleza afya ya jamii kama vile vipeperushi, mabango, na vingine ambavyo umetengeneza kutokana na miongozo yetu ili kuwashirikisha na kuwanufaisha wengine. Iwapo unataka kushiriki au kujifunza zaidi juu ya juhudi hii, tafadhali wasiliana nasi kupitia [email protected]
Mwongozo huu umebeba taarifa, shughuli na maelekezo kuhusu teknolojia mbalimbali rahisi ambazo zinaweza kuwasaidia waelimishaji wa afya, wanaharakati wa mazingira, na viongozi wa jamii kuchukua hatamu ya afya ya mazingira yao.
Mwongozo maarufu wa kiafya ambao unatumiwa sana na wafanyakazi wa afya waelimishaji, na wengine katika ngazi ya jamii ambao wanajishugulisha na huduma ya afya ya msingi dunia nzima. Toleo hili jipya linajumwisha taarifa za kisasa juu ya malaria, VVU, na matatizo mengine ya kiafya.
Mwongozo huu unajumuisha shughuli, mikakati, na visamafunzo ambavyo vinalenga kukabiliana na vurugu dhidi ya wanawake, kuboresha upatikanaji wa huduma za uzazi wa mpango, kukuza uzazi salama, kuhimiza mikakati ya uboreshaji wa afya ya kingono, kupambana dhidi ya majukumu kandamizi ya kijinsia, na kuboresha huduma za afya kwa wanawake na wasichana.
Kiongozi hiki, ambacho kimeandaliwa kwa kuwashirikisha wanawake wenye ulemavu kutoka nchi 42, huwasaidia wanawake kushinda vikwazo vya unyanyapaa wa kijamii na huduma zisizotosheleza katika kulinda afya yao kwa ujumla, heshima ya utu wao, na uhuru.
Huduma ya Kwanza ni nyenzo muhimu kwa mtu yeyote ambaye anaweza kukumbana na hali ya dharura-na ni kila mtu. Kitabu hiki, chenye kurasa 88, ni cha kawaida na kina maelekezo rahisi kwa ajili ya kutambua na kushughulikia zaidi ya aina 30 za dharura. Kimetafsiriwa katika Kiswahili na pia kinajumuisha mikakati ya kuimarisha utulivu na mwongozo kuhusu dawa za dharura.
PDF
Soma Mtandaoni
Nunua